Nour Heart
Nour Heart
Nour Heart
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

Nour Heart

منتدى متنوع
 
الرئيسيةالبوابة*أحدث الصورالتسجيلدخول
انا المصرى - الابنودى 195830874
بحـث
 
 

نتائج البحث
 
Rechercher بحث متقدم
المواضيع الأخيرة
» هيا نبدأ يومنا ببعض الأذكار
انا المصرى - الابنودى Icon_minitimeالخميس ديسمبر 31, 2015 6:01 pm من طرف kareemo7ey

» لا .. الماكياج مش حرام !!!
انا المصرى - الابنودى Icon_minitimeالخميس ديسمبر 31, 2015 5:58 pm من طرف kareemo7ey

» ماذا يحدث لوالديك عند زيارة قبرهما ؟
انا المصرى - الابنودى Icon_minitimeالإثنين ديسمبر 09, 2013 2:47 am من طرف محيي الدين

» ماتستناش حد مش جاي
انا المصرى - الابنودى Icon_minitimeالأحد ديسمبر 08, 2013 10:16 pm من طرف محيي الدين

» الى كل فتاة سمحت لشاب أن يكلمها
انا المصرى - الابنودى Icon_minitimeالثلاثاء ديسمبر 03, 2013 7:08 pm من طرف محيي الدين

» اضحك مع نفسك
انا المصرى - الابنودى Icon_minitimeالأحد ديسمبر 01, 2013 3:06 pm من طرف محيي الدين

» لو حملت امك على ظهرك العمر
انا المصرى - الابنودى Icon_minitimeالسبت نوفمبر 30, 2013 9:35 pm من طرف محيي الدين

» أفضل عشرة أطباء في العالم
انا المصرى - الابنودى Icon_minitimeالأحد نوفمبر 24, 2013 9:39 pm من طرف محيي الدين

» إلى كل من لديه أم
انا المصرى - الابنودى Icon_minitimeالجمعة نوفمبر 22, 2013 5:32 pm من طرف محيي الدين

» إلتهاب الأعصاب السكري
انا المصرى - الابنودى Icon_minitimeالجمعة نوفمبر 22, 2013 3:20 pm من طرف محيي الدين

» اللهم عفوك ورضاك
انا المصرى - الابنودى Icon_minitimeالأربعاء نوفمبر 20, 2013 5:03 pm من طرف محيي الدين

» الجنه درجه
انا المصرى - الابنودى Icon_minitimeالأربعاء نوفمبر 13, 2013 10:10 pm من طرف محيي الدين

» بعد أن تتوفى الأم و تصعد روحها إلى السماء ..
انا المصرى - الابنودى Icon_minitimeالسبت نوفمبر 09, 2013 12:48 pm من طرف محيي الدين

» ادعية الانبياء
انا المصرى - الابنودى Icon_minitimeالسبت نوفمبر 09, 2013 10:10 am من طرف محيي الدين

» امك ثم امك ثم امك
انا المصرى - الابنودى Icon_minitimeالسبت نوفمبر 09, 2013 6:37 am من طرف محيي الدين

» ماذا لو تكلم الموتى
انا المصرى - الابنودى Icon_minitimeالسبت نوفمبر 02, 2013 12:12 pm من طرف محيي الدين

» خمس عادات فاعلة لتنظِّف كبدك من السموم في تسعة أيام
انا المصرى - الابنودى Icon_minitimeالأربعاء سبتمبر 25, 2013 9:41 am من طرف محيي الدين

» الطريق إلى جبال الألب
انا المصرى - الابنودى Icon_minitimeالخميس سبتمبر 12, 2013 11:09 am من طرف مجدى سالم

» جزر فارو الدنمركية والطبيعة الساحرة
انا المصرى - الابنودى Icon_minitimeالخميس سبتمبر 12, 2013 10:58 am من طرف مجدى سالم

» مسجد السلطان عمر سيف الدين الاجمل في جنوب شرق آسيا صور! !!
انا المصرى - الابنودى Icon_minitimeالخميس سبتمبر 12, 2013 10:51 am من طرف مجدى سالم

ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني
احداث منتدى مجاني
pubarab

 


 

 انا المصرى - الابنودى

اذهب الى الأسفل 
كاتب الموضوعرسالة
محيي الدين
المدير العام
المدير العام
محيي الدين


تاريخ التسجيل : 15/02/2009
المساهمات : 3811
العمر : 76
الموقع : مدينه المنصوره
العمل/الترفيه : بالمعاش

انا المصرى - الابنودى Empty
مُساهمةموضوع: انا المصرى - الابنودى   انا المصرى - الابنودى Icon_minitimeالأحد مايو 17, 2009 10:55 pm

أنا المصرى ... لعبد الرحمن الأبنودى ... رثاءأ لمصر ... و تحية للبنان

أنا المصري.. كريم العنصرين
سليل المخلصين.. المؤمنين
وحامي الأمة في وقت الشدايد
وشقَّاق السِّكك للواردين
ودمّي ملك ليكم.. أجمعين
أنا المصري كريم العنصرين.
***
أنا المصري كريم العنصرين..
فقدت العقل والصوت والأيدين
وبعد ما كنت نجدة وروح ووقفة
مانيش عارف نسيت ده كله فين
ومين اللي سلبني اسمي مين؟!
أنا المصري.. كريم العنصرين..؟
***
وكنت أصرخ أطفِّي النار بصوتي
ويحيي أمّتي في الشدّة.. موتي
فمين اللي كتب عاري ف جبيني
ومين اللي سرق شعلة سكوتي
وأنا اللي غنايا صحي العالمين
أنا المصري كريم العنصرين..؟
***
أنا مِتْباع.. ماهيش عادْتَك يا وطني
عدوْ.. لِعدو.. ومين ما قبضْش تَمَني
صبي البقال يتاجر في الضماير
وأحلا عمري ضاع مستنِّي زمني..
بقينا بصمتنا الموت.. مُكتفين.
أنا المصري كريم العنصرين
***
كان الوحل.. شد الرِّجل منِّي
أنوح وأبكِي وأنا قاصد أغنّي
وواقفين علي الشطوط بأيادي سودا
محال.. حيغرّقوني غصْب عني
لو نصبوا في قلبي ميت كمين
أنا المصري .. كريم العنصرين.
***
بنيتها من الهرم للسدِّ.. يَدِّي
بنتْها كلها ف لحظة تحدي
وكنت زعيم نبيل ما بين جيفارا
وتيتو وكاسترو ونهرو وغاندي
ومش محتاج أقول أنا كنت مين؟
أنا المصري .. كريم العنصرين!!
***
وكان يخطب تصيب الدنيا ربكة
ومن لبنان يعود أسطول أمريكا
ولينا في الوجود كلمة ومكانة
وأخوة في الأمل.. دمعة وضحكة
ورقابينا الأبية... مرفوعين..
أنا المصري .. كريم العنصرين..!
***
وجُونا اللي رمونا... للمهالك
تقول: »لأّه« يقولولها: »وانتي مالِك«؟
تقول: »لبنان.. أحبابنا الأعزّة..«
يقولوا: »يغوروا.. وتغوروا كذلك«.
نسيت من همي أبقي إزاي حزين!!
أنا المصري .. كريم العنصرين
***
وبعنا كل شئ ينباع.. بِدِقَّة
بشفافيّة ومن غير أي سِرقة
ونظَّرْنا لِعِلْم النهب.. صرنا
بننهب كل شيء.. لكن برقة
بقينا دكاترة وسط النشالين!
أنا المصري .. كريم العنصرين.
***
زمان كان فيه مَلِك فاحت روايحُه
وثوار جيش بروحهم يومها.. ضحّوا
وكان لنا شأن حتي في الهزيمة
وطن.. كان يعجبك جمعُه وطرحُه
علينا عين.. وباقي الأمة عين.
أنا المصري .. كريم العنصرين.
***
وعاد تاني الملك يحكم بلادُه..
ومن بعد السنين دي.. زاد فسادُه
وكنا سادة فوق أرض الكنانة
وأصبحنا عبيدُه.. أو عِبَادُه
وضاع في الزحمة مشوار السنين..
أنا المصري .. كريم العنصرين.
***
وتاني يا الفقير عاد من يخونك
وتتهان في بلادك عيني عينك
ولا الدِّين مكتفي من مص دمَّك
ولا عارف ديونهم من ديونك
وجيت للحق؟.. كله سلَف ودين
أنا المصري .. كريم العنصرين
***
وده يسلِّم لده والعصر فاجر
وتاجر حِنْت.. سلّمنا لتاجر
وأُم الأمة مصر الإنسانية
بتتآمر... وبتداري الخناجر
وكنت النجدة واستنجد بمين
أنا المصري .. كريم العنصرين..؟
***
وكنت أصرخ.. وكان الكلّ يسمع
وامِدِّ الإيد.. عدوّ الأمة يرجع
وجاني النطع يأمرني ويشخُط
وخلاني بقيت في الحق أنطع
أنا اللي كنت أصحِّي الغفلانين
أنا المصري .. كريم العنصرين!!
***
وكانوا يقولوا: »مصر«.. الشمس تطلع
وتعلا رقابنا فوق وعيوننا تلمع
وكنا نشيل قلوبنا فوق كفوفنا
وبصدورنا نواجه أي مدفع
فمين ساعدنا ع الوضع المهين..؟
أنا المصري .. كريم العنصرين!!
***
وإزاي النهاردة الدم.. عُومي
مقلقِل صحوتي وساكن في نومي
دمانا بتشتعل في أرض غزة
ولبنان.. نارها ماسكة في هدومي
وأنا اللي في الأسي واقف ما بين!!
أنا المصري .. كريم العنصرين.
***
ولولا الأنظمة العربية لامت..
وفي صفوف العدو حتكون وكانت
ما كان الموت عرف »صيدا« و»بَعَبْدا«
ولا كانت قيامّة الغدر قامت
ولا قلب العرب بيِّت حزين!.
أنا المصري .. كريم العنصرين.
***
وشوف لبنان بترحل من جنوبها
ونوم الليل.. ما بْيعرف جُنوبها
سطور النمل زاحفة للملاجئ
وريح الخونة ما هدِّت هبوبها
ألوف راحلين في قلبي مذعورين!!
أنا المصري .. كريم العنصرين!!
***
فيالبنان أنامِ اللِّي خانوك
ياحزب الله حكامنا باعوك
ياصاحبي.. ما عُدنا نملك غير هتافنا
هتافِنا مُرّ.. مالي رقابنا شوك
وعَلَنِي.. بنفعل الفعل المشين!!.
أنا المصري .. كريم العنصرين.
***
يا(نصر الله) ده... زمن البياعين
وإنت طلعْت للأمة.. منين؟
تفكرنا بكل اللي نسيناه
أظنه صعب يصحوا الميتين
وخليتنا ـ الجميع ـ متفرجين
أنا المصري .. كريم العنصرين؟.
***
مازال نفس العدو.. ومازال خبيث
أبونا مات وسابْهُولنا.. وَريث
ومهما يلف ويدور.. راح يغور
وإسأل عِندنا بيوت السويس
حلاوة روح.. وحياة الحسين!!
أنا المصري .. كريم العنصرين.
***
بقت رايتك خلاص رمز لجهادك
بقت رمز المقاومة في بلادك
ولبنان كلها بايتة في ضميرك
خلاص صَبَح الجهاد ماءك وزادك
لغير المسلمين والمسلمين!!
أنا المصري .. كريم العنصرين.
***
بلاد الأمريكان إحنا وصهاينة
وصمتي ع اللي حاصل.. كلُّه معني
مازال الحلم لم فارق دمايا
علي رغم اللي عاشُه طعنة طعنة
يالبنان الكرامة.. لا تلين
أنا المصري .. كريم العنصرين.
***
ويالبنان ما تِطْفيش نار نضالِك
رجالك.. حتي لو ماحناش رجالك
بحور الدم ما تغرّق حقوقك
ولا تكسر مجاديف احتمالِك
حبيبك.. بس مش قادر أَعِين..
أنا المصري .. كريم العنصرين!!
الرجوع الى أعلى الصفحة اذهب الى الأسفل
https://nour-heart.ahlamontada.net
 
انا المصرى - الابنودى
الرجوع الى أعلى الصفحة 
صفحة 1 من اصل 1
 مواضيع مماثلة
-
» سيد طه - عبد الرحمن الابنودى
» بغداد - عبد الرحمن الابنودى
» المتهم - عبد الرحمن الابنودى
» القدس - عبد الرحمن الابنودى
» يامنه _ عبد الرحمن الابنودى

صلاحيات هذا المنتدى:لاتستطيع الرد على المواضيع في هذا المنتدى
Nour Heart :: المنتدي الأدبي :: الشعر والشعراء :: الشاعر عبد الرحمن الابنودى-
انتقل الى: