عمنا بيرم التونسي رحمة الله

يااهل المغنى دماغنا وجعنا

دقيقه سكوت لله

داحنا شبعنا كلام ماله معنى

ياليل وياعين ويااّه
ــــــــــــ

طلعت موضه غصون وبلابل

شابط فيها حزين

شاكى وباكى وقال موش عارف

يشكى ويبكى لمين

واللى جابت له الداء والكافيه

طرشه ماهش سامعاه

يااهل المغنى دماغنا وجعنا

دقيقه سكوت لله
ـــــــــــــــــــ

ردى عليه ياطيور بينادى

وارمى له الجناجين

وانت كمان يابور الــــوادى

قل له رايح على فين

قل له اياك يرتاح يابابـــــوره

ويريحنــــــــــا معــــــاه

ياهل المغنى دماغنا وجعنا

دقيقه سكــــــوت لله
ــــــــــــــــ

كل جدع فرحان بشبابه

يقول فى عنيه دمـــوع

ياللى جلبتى شقاه وعذابه

حلّى لنــــا الموضــــوع

طالع نازل يلقى عـــــوازل

واقفــــــــه بتستنــــــاه

ياهل المغنى دماغنا وجعنا

دقيقه سكوت لله
ــــــــــــــ

حافضين عشره اتناشر كلمه

نقل من الجـــــــــورنال

شوق وحنين وأمل وأمانــــــى

وصد وتيـــــــه ودلال

واللى اتعـــاد ينزاد ياخــــــــــوانا

وليل ونهــــــــار هـــوّاه

ياهل المغنى دماغنا وجعنـــــــــــا

دقيقه ســكوت لله

» تربية الرسول صلى الله عليه وسلم لبناته رضي الله عنهن
» المسجد الذى امر رسول الله باحراقه صلى الله عليه وسلم
» صحة حديث: "أوله رحمة، وأوسطه مغفرة، وآخره عتق من النار"
» عقوبة الكذب على رسول الله صلى الله عليه وسلم
» صدقت ياحبيبى يارسول الله صل الله عليه وسلم