من هو الشعب

من هو الشعب؟؟؟؟؟؟؟؟؟؟؟

لو نزل المتنازعون على الحكم
يوما الى الشارع
فانتظروا اتوبيسا لا يأتى
لأن سائقه اضرب
واستمعوا لصراخ ابنائهم فى مدارسهم
لان الطريق قطع لمن اعتصم
ووجدوا جيوبهم فارغه
وغواهم اهل السوء بالجريمه
لا طعام ابنائهم واسترداد رجولتهم
وجلسوا على المقهى كأرباب المعاشات
لان المصنع اقفل ابوابه
وذهبوا الى السوق كربات البيوت
فاشتروا كناسة الخضار
لأن اليد القصيره
ولو وقفوا مثل الواد محمد بتاع
سنه سته ابتدائى على طابور العيش
وما لحقيش يعمل الواجب
لو ان بناتهم تعدت الثلاثون ويمر اليوم
يمزع نياط قلوبهم
على زهرة العمر التى بارت
لو انهم قطنوا الاحياء الفقيره
وروعوا بالسلاح الابيض
وكان الخروج للشارع والتاخر ليلا
امر لا تأمن عواقبه سألوا الله السلامه من غدر الطريق
لو ان شقى عمرهم كان زرعة فى الغيط
مش معروف هتتروى ولا لأ
ولا جاموسه عشر فى انتظار لبنها ماتت فطيس
ولا بأجة بضايع بتاكل رغيفين عيش وطبق فول وقرص طعميه
لو كان العمر يوم يبتدى تدعى ربنا ان بس يعدى على خير
لو اول الشهر هم لكل غموم وديون الأرض فى عينيك
لو على ظهرك ناس عاوزا تاكل وتتعالج وتلبس وتشرب وتعيش

كانوا رحموا البلد دى
كانوا تفاوضوا
كانوا تنازلوا
كانوا رضيوا بخطوتين تلاته لادام وبعدين امل فى خمس خطوات اكتر بعد بكره

انما ازاى والتلاجه مليانه
ازاى والرصيد عمران
ازاى والطريق مفروش
ازاى والانصار على الباب
ازاى والامل بيطير الى الامام
وبنزين الأمنيات متفول لأـخره

ومع ذلك الكل يراهن على الشعب
الكل يضع أمله فى الناس
الكل يضع ثقته فى الامه
الكل يرى الجماهير هى الحل
اي’ جماهير فى مخيلتكم هل تعرفون حقا شعبكم
وهل تشعرون بالشعب
وهل يصل اليكم عجزه وقلة حيلته؟؟؟