احنا الاتنين بنتعذب

يقينى بأن احنا الاتنين بنتعذب
مخلينى مش لاقيه منطق فى البعد
يقينى بأنك بتقولى كل شويه انا موجود شوفينى
وانا اصلا ببقى بدور عليك
مكرهنى فى الواقع الى احنا عايشينه ومالناش ذنب فيه
...انك تحاول تسمعنى بقول اى حاجه حتى لو مش مهمه تماما
مخلينى متأكده انى لسه فى بالك
دعواتى ليك الى حاولت مليون مره ابطلها
مخليانى متأكده انك زى ما انت جوايا
يمكن كل كلام البشر ميعرفش يوصف
اد ايه نفسى اسمع صوتك
بس خايفه اضعف واقولك وحشتنى
مش عايزاك انت كمان تتضعف والا تتعب زيي
انا حتى مش عارفه اوصفلك احساسى بيك دلوقتى
و وجعى لما بحس انك مضايق وانا مش عارفه اعملك حاجه
نفسى اعرف اطمن عليك واكلمك وقت ما احب زى زمان
نفسى يبقالى الحق انى اقول لكل الناس
انه انت الى انا اخترته وانت الى انا بكتبله
نفسى ابقى جنبك
مش طالبه من ربنا غير كده وبس
عارفه ربنا قادر يحقق المعجزه
وزى ما جمعنا قبل كده من غير ما حد فينا يرتب والا يخطط
قادر يجمعنا تانى سوا
وقادر يرسم ضحكتك وضحكتى وفرحتنا مع بعض تانى
خليك واثق انه محدش غيرك ممكن يقدر ياخد مكانك

عادل رفعت

_________________
التوقيع