نوارة نجم: مبارك أحسن منك يا مرسي.. والإخوان هم ''الطرف الثالث''

هاجمت الناشطة السياسية، نوارة نجم، الرئيس محمد مرسي، مشيرةً إلى أن الرئيس السابق حسني مبارك كان أفضل من الرئيس مرسي، وذلك على خلفية الاشتباكات التي تحدث منذ 19 نوفمبر الجاري، بين المتظاهرين وقوات الأمن، وإصابة جابر صلاح عضو حركة 6 ابريل، وإقرار الأطباء بمستشفى القصر العيني بموته إكلينيكيا.
جاء ذلك عبر تغريدات قصيرة لها عبر حسابها الشخصي بموقع التواصل الاجتماعي "تويتر"، قالت فيها: "مبارك أحسن منك يا مرسي عشان مبارك قتل ناس بتعارضه، لكن أنت قتلت ناس كانت بتحتفل بفوزك، قال وإحنا اللي كنا بنقول عليه منوفي، ده طلع سكرة".
وأضافت "نوارة": مرسي قاتل وايديه ملوثة بالدم، مرسي بيستخدم الداخلية اللي كانت بتقبض عليه عشان تقتل الناس اللي كانت بتدافع عنه، أنا دلوقت شبه مقتنعة مية في المية إن الإخوان طول السنة ونص اللي فاتت هما الطرف التالت".
كما توعدت قائلةً: "لو خمسة بس من الإخوان اللي بينزلوا الميدان يثبتوا الناس اترنوا علقة محترمة الباقي مش حيرضى ينزل، هما جبنا أصلا، وما يبقاش فينا راجل لو أي جنس إخواني نزل الميدان من بتوع - أنا مش إخوان على فكرة بس أدوله فرصة - وما أترنش علقة تخليه ما ينفعش بعد كده".