مدينة لندن معلومات عنها وبالصور

مدينة لندن مدينة عريقة وقديمة وتعتبر من اكثر المدن العالمية جذبا للسياح كما انها تعتبر مركز العالم الاقتصادي ومايميز لندن انها تجمع الكثير من الثقافات ففيها الثقافة الانجليزية ( احلف) وكذلك الاوربية والصينية والهندية والافريقية وطبعا العربية

معلومات عـآمة عن بريطانيا (لندن)
المؤسسات التعليميه في المملكه المتحدة ذات طراز عالمي. متميز للتعليم والدراسات والبحوث والمنح الدراسيه المعروفه في جميع انحاء العالم.

وهذه هي سمعة التعليم البريطاني حيث في كل عام والمملكه المتحدة والمؤسسات التعليميه تجذب مئات الآلاف من الطلاب الدوليين. العديد يأتي هنا للدراسة على حسابهم الخاص و البعض يتلقى المساعدة المالية.

المملكه المتحدة والادارات الحكوميه والادارات المموله من اسكتلندا وويلز وايرلندا الشمالية ، بالاضافة الى عدد من المنظمات الاخرى في المملكه المتحدة ، تقدم مجموعة متنوعة من المنح التعليميه وغيرها من الجوائز الدولية لمساعدة الطلاب للدراسة في المملكه المتحدة.

هذه الجوائز هي علامة على المملكه المتحدة لتاكيدها التزاما قويا لبقية العالم. كما انها تبين في المملكه المتحدة الوعي لدى العديد من المزايا التي تأتي من تقاسم الامتياز من المدارس والكليات والجامعات مع الطلاب والعلماء الزائرين من الخارج.
^
حسيت اني مثقف مدينة لندن معلومات عنها وبالصور 49

عدد الادمين فيها :60 مليون ادمي تقريبا .~ ماشاء الله تف <~برىآ

الروحة والجيه( المواصلات)

ازين وسيلة للمواصلات هي التكاسي بالنسبة للمشاوير القصيرة والتكسي عندهم مريح ومالين الشوارع وتكاسيهم ماتشتغل الا عالعداد وعدادهم اقشر يحسب المسافة والوقت مع بعض يعني لو عطلك بطريقك تفتيش بتقعد بها وفيه وسيلة ثانية عملية ورخيصة جدا وتصلح اذا كنت رايح مع شباب وهي الاندرقراوند(قطار الانفاق) وهي اول مرة بتصير صعبة لان خطوط السير مختلفة يعني الضيعة اول مرة فيك فيك وبالنسبة للعائلات الكبيرة انصح باستئجار سيارة كبيرة ( ميني فان وسعرها تقريبا 120 باوند مع السواق فاليوم) لان التكسي مايشيل اكثر من خمس اشخاص ... واذا كان عندك مشوار طويل ( مثل المطار والا خارج لندن) فانصح التعاقد مع مكتب ميني كاب والدفع يكون له بمبلغ مقطوع وهو ارخص من التكسي الاسود ... وبالنسبة للسفر بالطيارة من لندن فافضل شي انك تحجز على الرحلات اللي تطلع من مطار هيثرو وما انصح بمطار قاتويك والا لوتون ( مع ان اسعار التذاكر ارخص) لانك بتدفع الفرق بالمشاوير والغثاء

السكن

السكن بالفنادق الخمس نجوم غالية بالحيل وتتراوح الاسعار من 150 الى 300 باوند بالليلة واذا كنتوا شباب فانصح بالفنادق الثلاث نجوم والا الموتيلات او يسمونها بالبيد اند بريكفاست صح انها ميب زي الفنادق الخمس نجوم بس تمشي حالها وآمنة خصوصا ان الفندق ماتقعد فيه الاوقت النوم بس فماتفرق وان كانك مستحي تقول اسم الفندق اذا احد سألك وين ساكن قل اني ساكن مع اهلي بشقة ابوي وافضل الفنادق خمس نجوم او اربع هي : الريتز والقروفنرهاوس والدورشيستر وتشرشل وبارك لين هيلتون ورويال لانكستر وثيستل ماربل ارش والكمبرلاند
والشقق المفروشة تعتمد حسب الموقع (في بعض المواقع سعر الشقة بين 1800 الى 5000 باوند بالاسبوع) ) لكن فيه شقق اسعارها معقولة بس بعيده شوي عن مجمعة العرب
افضل مناطق السكن هي المايفير وبارك لين وماربل آرش والنايتسبريدج
ولاانصح بالسكن في ادجوارود او الكوينز واي خصوصا للعائلات لانها مليانة عصابات اكراد
نسيت اقول ان الكثير من فنادق لندن وشققها المفروشة مافيها مكيف واذا احتريت انقز لارقوس ( انظر ارقوس فالتسوق) واشتر لك مروحة قعادي

المساجد

فيه مسجد كبير جنب الريجنت بارك يصلون فيه كل الصلاوات ... ويوم الجمعة تقدر تصلي فمقر السفارة بكيرزن ستريت

مدينة لندن معلومات عنها وبالصور P11_20061201_economy.full

مدينة لندن معلومات عنها وبالصور P11_20061201_economy.full

الدراهم

عملة بريطانيا هي الباوند وتعادل 6.2 ريال تقريبا ... وافضل وسيلة لحمل الدراهم هي الشيكات السياحية وافضلها توماس كوك وخذها بالباوند ازين علشان ترتاح من فرق العملة ... وللمشتريات انصح باستخدام بطاقات الائتمان
واذا بتشيل معك كاش فانصح انك تشتري باوندات او دولارات من السعودية ولا تجيب معك ريالات لانهم بيسرقونك بفرق العملة

التسوق

تعتبر مدينة لندن مدينة التسوق بلامنازع واشهر اسواقها الهارودز والسيلفريدج وبوند ستريت وسلون ستريت بالاضافة الى اكبر شارع تسوق فالعالم اللي هو اكسفورد ستريت واسعار البضايع خصوصا الماركات ارخص من الاسعار بالسعودية
وفيه اسواق شعبية مثل شبرد بوش وسوق الاحد لكن بضاعتها ردية ( اردى من حلة القصمان)

ايه نسيت محل ارقوس حبيب الشعب وهو محل للتسوق عن طريق الكتالوج يعني تشوف الكتالوج اللي فيه كل التفاصيل عن البضايع والاسعار وتروح المحل وتكتب رقم البضاعة حسب الكتالوج وتدفع قيمتها وتستلمها من كاونتر خاص بالتسليم والمحل فيه كل شي من الابرة للثلاجة وميزته ان الاسعار متفاوته يعني التلفزيون مثلا تلاقي بمية باوند وتلاقي بالفين باوند ولهم محل بادجوارود
الاكل

مثل ماقلت بالمقدمة لندن خليط الثقافات وبما ان الطعام جزء من الثقافة فلندن خليط من المطاعم ( فهمتوا شي؟ )
افضل المطاعم العربية هي مطعم فخر الدين بالبكاديلي ومروش بادجوارود وفيه مطعم ايراني كويس بادجوارود والمطاعم الصينية ازينها فسوهو لكن خطرة بالليل يعني للغداء بس
وفيه مجموعة من المقاهي والمطاعم الايطالية في النايتسبريدج ( والله من الغزلّي )قدام الهارودز .
والمطاعم السريعة فيه بيتزا هت وماكدونالد وبرقر كنق وتلاقونها في كل عاير
واللي رايح مع اهله والا شباب وماخذين شقه انصحهم بالطبخ بالبيت واغراض الطبخ كلها متوفرة بالادجوارود وفيه محل كبير اسمه الوادي الاخضر ( موب حق اشرطة عيسى الاحسائي ) بشارع اسمه آبر بيركلي ستريت فيه كل شي ولحم ودجاج ذبح اسلامي نظيف واسعاره زوينة .

اماكن لازم تروح لها

شارع الادجوارود : هالشارع لادخلته كنك داخل الرياض او القاهرة محلات ومطاعم كلها عربية فيه قهاوي للشاي والمعسل وفيه محلات بها مجلات وجرايد واشرطة حتى شريط عزازي تلاقيه هناك ( تراي جاد) وفيه حلاقين عراقيين ولبنانيين كويسين هناك ويحلقون ويحددون الدقن ( الحلاقين الاجانب مايطيعون يحلقون لك الدقن لانه ممنوع)

متحف الشمع : ويقع في مارلبون ستريت وفيه تماثيل من الشمع لشخصيات مشهورة عالمية وعربية .

حديقة الهايدبارك : وهي اشهر حديقة بلندن وفيها ركن الخطابة المشهور ولك الحق ان تقول اللي تبي ولا همك احد لكن من حق اي واحد يمنعك انك تصوره ... ويقام الركن كل يوم احد من العصر لليل .

ساعة بق بن وعين لندن والبرلمان وبيت رئيس الوزراء : ماقد رحت لها لكن اسمع بها واشوفها من بعيد

التروكاديرو: مجمع للالعاب الالكترونية وفيه بولينق وسيارت تصادم .... زين للبزارين مدينة لندن معلومات عنها وبالصور 49

الانقليز

الانقليز بطبعهم ثقيلين دم وشعب بخيل بالحيل لكن شعب مؤدب ولايغلط عليك و صادق ولا يكذبون واجد وعمليين جدا وملتزمين بالنظام بشكل عجيب ولا اذكر اني قد شفت انقليزي يقطع اشارة او يذب له قوطي او حتى منديل بالشارع مثل مايسوي ربعنا ولا اذكر اني شفت حادث سيارات الا نادراً وهذا بسبب التزامهم بتعليمات المرور ... لكن لازم تصير حذر معهم وتكون كلمة بليز وسوري واكسيوزمي وثانكيو دايم على لسانك لاحاكيتهم وعاملهم باحترام كبير والا يحتقرونك ولا يعطونك فيس وهناك تاخذ راحتك عالاخر ولا احد يسألك وين رايح؟ والا فين تشتغل ؟
*نشاطات ورحلات:

• معالم و صروح

- برج بيغ بين: يعرف أيضا باسم برج الساعة لوجود ساعة بيغ بين الشهيرة فيه.

- جسر برج لندن: أول جسر بني في المدينة فوق نهر التايمز.
- مبنى البرلمان البريطاني: الذي يحتوي على مجلس العموم ومجلس اللوردات.
- مبنى بلدية لندن.
- ميدان بيكاديللي.

• متاحف و آثار

- المتحف البريطاني London Museum
يعد المتحف البريطاني من أشهر وأكبر متاحف التاريخ في العالم لما يحتويه من آثار نادرة فرعونية وبابلية وسومرية وآشورية وافريقية ويونانية وفارسية واغريقية. وأقرب محطة تحت الانفاق للمتحف البريطاني هي هولبورن Holborn.

- متحف التاريخ الطبيعي Natural History Museum
وهو يهتم بعرض كل ما في الطبيعة من حيوانات ونباتات مع تسلسل التطور التاريخي لها بما في ذلك المخلوقات التي انقرضت من الوجود. أقرب محطة تحت الانفاق لهذا المتحف هي ساوث كنزنجتون South Kensington.

- متحف مدام توسو Madam Tussuds Museum
يعرض هذا المتحف الشهير للغاية أبرز الشخصيات التاريخية، فنية أو سياسية أو رياضية أو علمية، التي صنعت نماذج لها من الشمع. أقرب محطة تحت الانفاق لهذا المتحف هي بيكر ستريت Baker Street .

- المتحف العلمي Science Musuem
المتحف العلمي الذي كما يدل اسمه يهتم بعرض التطور التاريخي للعلوم، يقع على شارع المعارض، وأقرب محطة تحت الانفاق له هي ساوث كنزنجتون South Kensington.

- متحف الأحياء المائية (لندن اكواريوم) London Aquarium
يقع هذا المتحف وسط لندن ومقابل ساعة بيج بن الشهيرة، وأقرب محطة تحت الانفاق له هي ويست منستر Westminster.

- المتحف الوطني، لندن

,

طيب افرض رحتوا لندن فجأه كذا بدون مقدامات جاء اخوك او اختك او بنتك ...الخ
وقال ابي اروح الملاهي <~ مدينة لندن معلومات عنها وبالصور 59

شوف ياالطيب ترا ملاهيهم مو مثل ملاهينا ياخذون حريمنا ويصكون عليهم مدينة لندن معلومات عنها وبالصور Tongue

لايكثر هرجي

إلى منتزه التسلية العملاق : "ألتون تاورز"

مدينة لندن معلومات عنها وبالصور Altontowers

يقع هذا المنتزه الجذّاب في ستافورشاير بإنجلترا،و هو من أكثر الأماكن جذبا في أوربا

و قد جذب هذا المتنزّه أكثر من 3 ملايين زائر العام الماضي،و يتربع على مساحة 500 إكر

و هذا مخطط شامل للمنتزه :

مدينة لندن معلومات عنها وبالصور Alton_towers_map

مدينة لندن معلومات عنها وبالصور Alton_towers_map

يحتوي الموقع على فندقين:

فندق التن تاور و فندق سبلاش لاندينغ

و به العديد من الألعاب المسلية و الأماكن التي لا تنتهي فيها المتعة

لقضاء أوقات لا تنسى مع العائلة و الأصحاب

مدينة لندن معلومات عنها وبالصور AltonTowersThemePark_image8_600x400_pop